Keretas Peresa Bahasa Iban 2 :Taun 4 (Struktur)

BAGI A:

Tanya Struktur (20 mark)

Adar: Saut semua tanya enggau betul bepelasarka teks di baruh.

Lapis ozon nya lapis ti padat stratosfera. Iya nyarap panchar ultraungu ti dibai panchar mata panas. Nya alai iya dikumbai ‘payung bumi’. Panyauh lapis ozon ari bumi nya kira-kira 15 ngagai 50 kilometer. Bumi balat nerima panchar ultraungu urung pukul 10.00 pagi ngagai 4.00 lemai.

Diatu lapis ozon majak mipis. Iya mipis laban pengerusak ozon baka klorofluorokarbon enggau metilbromid. Klorofluorokarbon dikena ba airkon kereban pengangkut enggau peti ais. Metilbromid dikena ngerakit rachun indu utai.

Pengerusak ozon tu ngurangka oksigen lalu ngerusak lapis ozon. Lapis ozon ti mipis ngasuh panchar ultraungu mayuh tama ke bumi. Panchar ultraungu tu ukai semina nganu pengerai mensia tang mega tau munuh utai tanam sereta munaska utai idup dalam ai.

(Dibali ari: Majalah Era Hijau, lumur 2, lambar 14)

1.    Nama panchar ti diserap lapis ozon?

______________________________________________________________________

(2 mark)

2.    Kemaya bumi balat nerima panchar ultraungu?

______________________________________________________________________

(3 mark)

3.    Nama penyadi ngagai utai idup di dunya enti panchar ultraungu mayuh tama ke Bumi?

_____________________________________________________________________

(4 mark)

4.    Beri dua iti chunto ti engkeman bakani nuan deka mutarka penanggul lapis ozon ti majak mipis?

______________________________________________________________________

(5 mark)

5.    Nitihka penemu nuan, nama  lalu bejuraika pekara ti patut digaga semua mensia dalam nyaga rampa menua ?

_____________________________________________________________________

(6 mark)