Organ Artikulasyen

Jaku Iban Saintifik

Konsep

·         Jaku Iban ngerembai sereta maju nitihka pemansang komuniti orang ti bejaku nya.

·         Leka jaku saintifik (sama reti enggau leka jaku akademik) ukai semina dalam jaku sains (fizik, kimia, biologi enggau matematik) tang mega nyengkaum bidang sains sosial.

Penteba jaku Iban saintifik

1.     Istilah

       ·         Ngena istilah ti nemban laban ulih dipeda sechara emperikal lalu ulih nerangka konsep ti fokus ngagai bejuraika jaku.

      ·          Istilah ti dikena ngemeratka objek, utai ti nyadi, pekara, penteba enggau konsep ti dikena dalam bejuraika pekara.

       ·       Chunto: Teks sains ngena istilah sastera ( Agi sebaka ngena jaku sastera rama)

2.     Gaya didaktik/ gaya keperibadian

·         Pansik enggau mutarka penanggul siti utai dipelajarka dalam ilmu sains. Nya alai tinggi gaya didaktif/ keperibadian.

·         Penemu Asmah: Ilmu sastera lebih ngagai konsep tauka pekara ti bekaul enggau mensia.

Penteba jaku Iban Saintifik Ilmiah

·      Tingkat jaku rasmi ti ngemeratka jalai jaku enggau enda ngena jaku sempepai alai.

• Formal- Tiap pekara dikenataika ngena jaku ti terang sereta terus. Tulis iya mesti bepelasarka jaku ti berurun enggau terang.
• Bisi dipeda orang ketiga kena nganti sukut ti dipeda pengarang. Kena mandangka objektif pekara ti ditulis.
• Entak sebut ti enda nekanka pengasai ati ti lebih-lebih.

Jaku Iban ti nyadi jaku penemu

• Jaku kena ngerembaika penemu.
•  Bisi dikena dalam sekula primari enggau sekondari.
• Masuk dalam peresa tikas SPM enggau PT3 lalu diatu udah bisi ba IPG Kampus Rajang enggau IPG Kampus Sarawak.
• Nitihka pengerembai arus dunya pemansang sains enggau teknologi mayuh jaku Iban udah ditempa baru.
•  Ngaga bup-bup ilmu dalam bidang sains enggau teknologi, ukai semina bup sastera aja.

Penatai Terminologi Jaku Iban

Dalam proses ngentapka jaku Iban sereta deka nempa terminologi ke seriran dikena dalam jaku Iban, bisi tiga chara nginjau ti nyadika pelasar lalu nyadika penatai terminologi jaku Iban.
Chara nya: Nginjau ari jaku seperugan (nusantara), nginjau ari jaku English enggau nginjau ari jaku bansa bukai.

 i.        Nginjau ari jaku seperugan (nusantara)

-       Penatai terminologi jaku Iban diasilka ngena chara nginjau ari jaku bansa bukai lalu enda bepangai penuh ba sistem sepil asal ti alai nginjau tang nitihka sistem sepil jaku Iban ti nginjau jaku nya.

-       Bisi mega leka jaku ti diinjau nya agi mengkang sebaka.

-       Terminologi jaku Iban tu ulih ditempa nengah injau terus iya nya leka jaku ti diinjau, diambi sereta diterima enggau silik ari jaku asal.

-       Reti nya nadai berubah ari segi sepil enggau reti tajapan disebut nitihka kaul dilah jaku Iban.

-       Chunto leka jaku ti diinjau terus ari jaku seperugan : ‘karya’, ‘vokal’ enggau ti bukai.

ii.        Nginjau ari jaku English

Ø  Jaku English jaku bansa bukai ti diinjau ke dalam jaku Iban dalam semua bidang pelajar.

Ø  Kebuah : jaku tu udah entap dikena sereta ngerembai serata dunya ti ngujungka iya diaku nyadi jaku entarabansa.

Ø  Gaya jaku injau ari jaku English ti dikemisika dalam jaku Iban tau dibagi ngagai mayuh bengkah.

a)    Injau terus

§  Leka jaku ke diinjau nya diambi sereta diterima enggau silik ari jaku asal.

§  Reti nya nadai berubah ari chara nyepil enggau reti taja pan disebut nitihka kaul dilah Iban.

§  Chunto leka jaku ti diinjau ari jaku English iya nya ‘standard’, ‘bank’, ‘chairman’ enggau ti bukai.

b)    Injau salin

§  Leka jaku ti diinjau disalin lalu dibali ngagai jaku Iban.

§  Konsep leka jaku nya agi mengkang sama enggau jaku asal.

§  Ambika chunto, ‘honey moon’, ‘night market’, ‘five foot way’ enggau ti bukai. 

c)    Injau pengasai

§  Leka jaku ti diinjau lalu disepil nitihka pengentap sistem sepil jaku Iban ti udah ditetapka.

§  Sekeda urup dalam leka jaku ti diinjau berubah nitihka penemban urup lebuh disebut tauka disepil dalam jaku Iban.

§  Ambika chunto, leka jaku ‘bomb’ nyadi ‘bom’ iya nya diinjau ngena chara ningkilka konsonan sengian ‘b’.

§  Chunto ti kedua nya ‘computer’ nyadi ‘komputer’ iya nya ‘c’ berubah nyadi ‘k’ nitihka sebut konsonan.

d)    Injau serap

§  Leka jaku ti diinjau endang udah entap sereta masai dikena dalam jaku Iban.

§  Semua leka jaku ti diinjau serap enda nyengala menatika gaya tukuh visual leka jaku nya ditulis dalam jaku asal ti alai nginjau.

§  Sepil iya ditulis kelebih agi nitihka munyi ti disebut ngena kaul dilah Iban.

§  Ambika chunto, leka jaku ‘apple’ nyadi ‘ipul’, ‘ball’ nyadi ‘bol’, ‘bicycle’ nyadi ‘ensikal’ enggau ti bukai.

iii.        Nginjau ari jaku bansa bukai (kelimpah ari jaku English enggau jaku seperugan)

v  Chara nyepil nya ngena injau terus iya nya leka jaku ti diinjau ditulis chundung (italicese).

v  Sekeda jaku bansa bukai ti diinjau, diambi sereta diterima enggau silik agi ari segi sepil, konsep enggau reti tang ditulis chundung.

v  Ketebal agi jaku injau ti baka tu dikena dalam laras jaku ti spesifik.

v  Ambika chunto, leka jaku datai ari jaku Latin iya nya ultra-vires ti mai reti ngereja pengawa ngelui tikas ti patut.

v  Proses nginjau serap jaku bansa bukai sebaka enggau atur nyerapka jaku English.

v  Leka jaku bansa bukai ti udah masai dikena dalam jaku Iban disepil enda nyengala menatika gaya tukuh visual leka jaku nya ditulis dalam jaku asal ti alai nginjau tang ditulis ketebal agi nitihka munyi ti disebut ngena kaul dilah Iban.

v  Ambika chunto, leka jaku datai ari menua China iya nya baka ‘tauke’.